ШҮҮХ: Нийтийн тээврийн газрын дарга асан С.Жавхлантбаатарт 3 жил хорих ял оноож, нийтийн албанд томилогдох эрхийг 4 жилээр хаслаа

Нийслэлийн нийтийн тээврийн парк шинэчлэлийн хүрээнд БНСУ-аас оруулж ирсэн "Daewoo" маркын ногоон автобусны худалдан авах ажиллагаанд холбогдох хэргийн шүүх хурал өнөөдөр өндөрлөж, шийдвэрээ гаргалаа.

Тэгвэл Нийслэлийн Нийтийн тээврийн газрын даргаар ажиллаж байсан С.Жавхлантбаатарт 3 жил хорих ял оноож, нийтийн албанд томилогдох эрхийг 4 жилээр хаслаа. Харин Улаанбаатар хотын Түгжрэлийг бууруулах үндэсний хорооны даргаар ажиллаж байсан Ж.Сүхбаатарыг гэм буруугүй гэж үзэн, хэргийг хэрэгсэхгүй болгосон бол "Тэнүүн-Огоо" ХХК-ийн гүйцэтгэх захирал А.Ганхуягт нийт 6 жил хорих ял оноож, нийтийн албанд томилогдох эрхийг 3 жилээр хасаж шийдвэрлэлээ.