Марш тактикийн тэмцээний үеэр цэргийн хоёр алба хаагчийг автомашинаар дайрчээ

Төв аймгийн Алтанбулаг сумын 2 дугаар багийн нутагт өнгөрсөн зургаадугаар сарын 09-нд Таван толгойн цэргийн ангид болсон гардан тулааны үзүүлэх тоглолтын үеэр ашиглаж байсан "Toyota Harrier" маркийн тээврийн хэрэгслээр хугацаат цэргийн хоёр алба хаагчийг дайрсан гэх хэрэгт тус аймгийн цагдаагийн газраас мөрдөн шалгах ажиллагааг явуулж байна.

Шалгалтын явцад хугацаат цэргийн алба хаагчдад хөнгөн, хүнд хохирол учирсан бөгөөд эмнэлгийн байгууллагад эмчлүүлж байна. Тухайн хэрэгтэй холбогдуулан нотлох баримтыг тал бүрээс нь бүрэн бодитой нотлох ажиллагаа үргэлжилж байна гэж цагдаагийн байгууллагаас мэдээллээ.