Г.Дамдинням: Н.Алтанхуяг гуайгаа шүүхэд өгөх болох нь дээ

Өнөөдөр АН-ын бүлгийн гишүүд Оюу толгойн асуудлаар мэдээлэл хийсэн. Энэ үеэр УИХ-ын гишүүн Н.Алтанхуягийн зүгээс "Г.Дамдинням сайдыг "Онтрэтэй холбоотой" гэдгийг Канадад магистрынх нь хичээл зааж байсан багш нар НОТОЛСОН" гэх мэдээллийг өгсөн. Тэгвэл эл асуудалд АҮЭБ-ын сайд Г.Дамдинням "Хүн хөгшрөхөөрөө хүүхэд нохойн доог болдог" гэж үг санаанд оров. Н.Алтанхуяг гуайгаа шүүхэд өгөх л болох нь дээ. Намайг "Онтрэ"-тэй холбоо хамааралтай гэх баримт олоод ирвэл алга ташиж баяр хүргээд хаяад явна энэ ажлыг. Ерөнхий сайд байсан нутгийн ахыг хүндэлж явдаг байв. Ирэх сонгуульд өрсөлдөх гэсэн ханашгүй "шунал" нь хүн гүтгэх хэмжээнд хүргэж "зөнүүлж" дээ. Өрөвдөлтэй ч юм шиг" гэв.