Цээл сумын наадмын барилдааны үеэр бөхчүүд нэгнээ цохиж унагасан хэргийг Говь-Алтай аймгийн цагдаагийн газарт шалгаж байна

Өчигдөр буюу энэ сарын 9-нд Говь-Алтай аймгийн Цээл сумын баяр наадмын барилдааны үеэр бөхчүүд нэгнээ цохиж унагасан асуудал үүссэн нь үзэгч олны шүүмжлэлийг дагуулаад буй.

Тэгвэл Говь-Алтай аймгийн цагдаагийн газраас тус хэрэгт шалгалтын ажиллагаа явуулж байгаа аж. Бичлэгт харагдаж буйгаар, нэгнийхээ толгой орчимд цохиж унагасны улмаас унасан бөх ухаан алдаж, эмнэлэгт хүргэгдсэн гэх мэдээлэл байгаа юм.