ТОДРУУЛГА: 250-300 орчим иргэн “Алт гарсан“ гэх газар руу дайрч орох үйлдэл хийж, шаардлага биелүүлээгүй тул хийн гар буугаар дөрвөн удаа буудсан гэв

Дундговь аймгийн Дэлгэрцогт сумын 1 дүгээр баг "Дэлгэр нуур" гэх газар иргэд алтны хайгуул хийж байж болзошгүй байна гэх дуудлага мэдээлэл энэ сарын 10-ны 13.00 цагт Дундговь аймгийн цагдаагийн газарт бүртгэгдсэн байна.

Цагдаагийн байгууллагаас өгсөн мэдээллээр, долоодугаар сарын 10-ны 20.00 цагийн байдлаар 70-80 орчим тээврийн хэрэгсэл, 250-300 орчим иргэд цуглаж алт гарсан гэх газар руу дайрч орох үйлдлийг гурван удаа хийж, цагдаагийн албаны тээврийн хэрэгсэл рүү чулуу шидэж эсэргүүцсэн ба дээрх үйлдлүүдийг таслан зогсоох зорилгоор урьдчилан сануулж, хийн гар буугаар дөрвөн удаа буудсан аж. Шалгалтын ажиллагааг үргэжлүүлэн явуулж байна.