АМГТГ: ОХУ-аас манай улсад нийлүүлэх АИ92-н үнэ 95 ам.доллараар нэмэгдсэнтэй холбоотойгоор дотоодод үнэ 250-300 төгрөгөөр өссөн

ОХУ-ын Роснефть болон бусад компаниас ирсэн 7 дугаар сарын хил үнийн өөрчлөлттэй холбогдуулан өчигдөр буюу энэ сарын 15-ны өдрөөс эхлэн АИ92 төрлийн автобензиний үнийг литр тутамд 250 төгрөгөөр нэмэгдсэн. Тэгвэл АИ-92 автобензиний үнэ 250-300 төгрөгөөр нэмэгдсэнтэй холбогдуулан АМГТГ-ын Газрын тосны бүтээгдэхүүний хэлтсийн дарга Д.Даваабаяр тодруулга мэдээлэл өглөө. Тэрбээр "Дэлхийн зах зээл дээрх газрын тосны бүтээгдэхүүний үнэ гурван сар дараалж өссөнтэй холбоотойгоор ОХУ-аас манай улсад нийлүүлэх АИ92-н үнэ 95 ам.доллараар нэмэгдсэн. Энэ нэмэгдлээс болж үнэ дотоодод 250-300 төгрөгөөр өссөн" гэлээ.