АҮЭБЯ: Нэг ШТС-д 30 мянган литр автобензин хүргэгддэг. Энгийн үед энэ нь 1,2 сарын хэрэглээ болдог бол амралт зугаалгатай холбоотойгоор нэг өдөрт дуусаж байна

Наадмын амралтын өдрүүдэд шатахууны асуудал ихээр хөндөгдөж буй. Тэгвэл АҮЭБЯ-ны Газрын тосны бодлогын хэрэгжилтийн газрын дарга Ч.Хишигдалай түлш, шатахуунтай холбоотой асуудлаар тайлбар өглөө. Тэрбээр "Нэг ШТС-д 30 мянган литр автобензин хүргэгддэг. Энгийн үед энэ нь 1,2 сарын хэрэглээ болдог бол амралт зугаалгатай холбоотойгоор нэг өдөрт дуусаж байна. 30 мянган литр гэдэг бол 100 литрээр банкаа дүүргэхэд 300 машины банкийг л дүүргэнэ. Тиймээс 100-200 мянган автомашиныг нэг дор цэнэглэх боломжгүй буюу оочир дараалал үүсэхээс аргагүй. Гэхдээ зохион байгуулалтын арга хэмжээ авч байна" гэв.