Монголын Үндэсний Олимпын Хорооны удирдах бүрэлдэхүүн удахгүй шинэчлэгдэнэ. Үүнтэй холбоотойгоор МҮОХ-ны Дүрмийн 14.4.2б заалтын дагуу Хараат бус бие даасан сонгуулийн комисс МҮОХ-ны удирдах бүрэлдэхүүнд нэр дэвшигчдийн материалыг хүлээн авч дуусаад байгаа юм. Тэгвэл МҮОХ-ны Ерөнхийлөгчид одоогийн Ерөнхийлөгч Б.Баттүшиг дахин нэрээ дэвшүүлжээ. Түүний хувьд 2017 онд МҮОХ-ны Тэргүүн дэд ерөнхийлөгчөөр ажиллаж эхлээд 2022 онд Ерөнхийлөгчөөр сонгогдсоноосоо хойш өнөөдрийг хүртэл ажиллаж буй нэгэн юм.