Учраа бөхөө тохойлдсон Улсын начин Д.Цэрэнтогтохын барилдах эрхийг дөрвөн сараар хаслаа

Баянхонгор аймаг байгуулагдсаны 85 жилийн баяр наадмын хүчит бөхийн барилдааны дөрвийн даваанд Улсын начин Д.Цэрэнтогтох Аймгийн арслан Д.Ням-Очирт өвдөг шороодож тахимаа өгөхдөө учраа бөхөө тохойлдсон нь олны шүүмжлэлийг дагуулаад байсан. Тэгвэл МҮБХ-ны Ёс зүй, сахилга хариуцлагын зөвлөлөөс түүний эл үйлдэлд нь 4 сарын хугацаанд бүх шатны барилдаанд оролцохыг хориглох шийдвэрийг гаргажээ.