Л.Соронзонболд: С.Цэнгүүний хуулийг оочер дайрч, 2 долоо хоногийн дотор оруулж ирсэн учраас гишүүд эсрэг санал өгсөн

Өнгөрсөн баасан гарагийн УИХ-ын чуулганаар Төсвийн тухай хуульд нэмэлт оруулах тухай хуулийн төслийг хэлэлцсэн ч 92 гишүүний 52 нь эсрэг санал өгснөөр уг хуулийн төсөл дэмжигдээгүй. Уг хуулийн төсөл нь татвар төлөгчдийн мөнгийг бүхэлд нь, бүх задаргаатайгаар нь баталгаажуулсан хэлбэрээр цахимд байршуулдаг байх хуулийн төсөл юм. Ингэснээр иргэд төсвийн төслийг анхнаас нь юунд төсөвлөгдөж, төлөвлөгдсөн талаар харах боломжтой байсан юм. Гэвч 52 гишүүн эсрэг санал өгснөөр уг хуулийн төсөл унасан юм.

Энэ талаар эсрэг санал өгсөн УИХ-ын гишүүн Л.Соронзонболдоос тодруулахад "С.Цэнгүүний хуулийг оочер дайрч, 2 долоо хоногийн дотор оруулж ирсэн учраас гишүүд эсрэг санал өгсөн. Хоёр жилийн өмнө өргөн барьсан хуулиа хэлэлцүүлж чадаагүй гишүүд байгаа шүү дээ" хэмээлээ.