Д.Сарангэрэл: Коронавирусний халдвараар өвчилсөн ОЮУТАН ЭДГЭРЛЭЭ
Эрүүл мэндийн сайд Д.Сарангэрэл өөрийн фейсбүүк хуудсаар дамжуулан нэг өвчтөнөө эдгээн, сувилал руу шилжүүлж байгааг мэдээллээ.
Тэрбээр "Өнөөдөр манай ХӨСҮТ коронавирусын халдвартай бас нэгэн өвчтнөө эдгээж 14 хоногийн хяналтад сувилал руу шилжүүллээ. Энэ маань оюутан хүүхэд байгаа юм. Одоо ХӨСҮТ-ийнхэн маань бүх хүнээ хувийн хамгаалах хэрэгсэл өмсөж тайлах сургуулилтаа үргэлжлүүлэн хийж байна. Баярлалаа, та бүхэндээ" гэж фейсбүүк хуудастаа нийтэлсэн байна.
Өнөөдрийн байдлаар Монгол Улсад коронавирусний халдвараар өвчилсөн иргэдийн тоо 37 байна. Үүнээс 8 иргэн нь эдгэрч, 29 иргэн үргэлжүүлэн эмчлүүлж байна.
Коронавирусийн халдвараар өвчилсөн иргэдийн 19 нь эмэгтэй, 18 нь эрэгтэй байна. Мөн дээрх иргэдийг насны бүлгээр нь харьцуулан авч үзвэл, 10-14 насны 2, 15-19 насны 7, 20-24 насны 13, 25-29 насны 2, 30-34 насны 5, 40-44 насны 1, 45-49 насны 2, 50-54 насны 2, 55-59 насны 1, 65-69 насны 1 өвчтөн халдвараар өвчилжээ.
