Ц.Мөнхцэцэг: Хоёр тунтай ч халдвар авлаа, улаан бүсэд байдал хүнд байна

УИХ-ын гишүүн Ц.Мөнхцэцэг коронавирусийн халдвар авсан талаараа өөрийн твиттер хуудастаа бичжээ. Тэрбээр “Нэгдүгээр хавьтагч болсноо мэдээд PCR өгч, ковид эерэг гарсан. Хөнгөн байсан тул гэртээ тусгаарлаж эм уугаад зургаа дахь хоногтоо хүндэрч түргэнээр эмнэлэгт ирлээ. Вероселл хоёр тунтай, эмнэлэгт хүн дүүрэн. Өрөөндөө дөрвүүлээ. Улаан бүсэд байдал хүнд байна. Хөл хөдөлгөөнөө багасгаж хүн бүр болгоомжилъё" гэжээ.