Нөхөн сонгуулийн үр дүнг эсэргүүцсэн иргэд СЕХ-ны гадна жагсаж, эсэргүүцлээ илэрхийллээ

УИХ-ын 18, 28 дугаар тойргийн нөхөн сонгууль зохион байгуулагдаж, Сонгинохайрхан дүүрэгт Э.Батшугар, Хэнтий аймагт Ц.Идэрбат нар ялалт байгуулсан. Ингэхдээ нөхөн сонгуулийн ирц 50 хувьд хүрээгүй хэдий ч Э.Батшугар, Ц.Идэрбат нарыг УИХ-ын гишүүнээр сонгогдсон гэж үзсэн билээ. Гэвч сонгуулийн санал хураалтын үр дүнг эсэргүүцсэн иргэд өнөөдөр /2021.10.20/ Сонгуулийн Ерөнхий хорооны үүдэнд эсэргүүцлээ илэрхийлж, жагслаа. Жагсаж буй иргэдийн зүгээс ирцгүй сонгууль хүчингүй, 50+1 ирцийг шаардаж байгаагаа илэрхийлсэн юм.