Л.Энх-Амгалан: Багш нараа сайн, муугаар нь ялгаж байгаа мэт ойлгогдохоор ярьсандаа уучлалт хүсье

БШУ-ны сайд Л.Энх-Амгалан өнөөдөр /2022.03.10/ багш нарын цалинг "үр дүнд суурилсан цалингийн тогтолцоо" руу шилжүүлэх талаар мэдээлсэн. Ингэхдээ багшийн цалин сурагчдын сурлагын үр дүнгээр хэмжигдэнэ. Сайн багш өндөр цалин авна харин муу багш бага цалин авдаг тогтолцоо руу шилжих зайлшгүй шаардлага байгааг онцолсон. Гэвч тус мэдээлэл нь олон нийтийн зүгээс багагүй шүүмжлэлийг хүртээд байна. Үүнтэй холбогдуулан тэрбээр ташаа ойлгогдохоор ярилцлага өгсөндөө уучлалт хүсч, залруулга хийжээ. Тэрбээр "Сурлагын ахиц гаргаж байгаа багш өндөр цалин авна. Тодорхой үр дүн харагдахгүй байгаа багш бага цалин авна гэдэг ажлын үр дүнд суурилсан тогтолцоо хамгийн зөв хандлага, шударга жишиг тогтооно.

Харин хэвлэлд ярилцлага өгөхдөө багш нараа сайн, муугаар нь ялгаж байгаа мэт ойлгогдохоор ярьсандаа уучлалт хүсье. Алдаа гаргасан бол залруулж, буруугаа хүлээх нь ёс зүйн хүлээх ёстой үүрэг минь юм" гэв.