Д.Монголхүү: Монголын хуулийн байгууллагууд Х.Баттулгыг шалгахгүй бол ЕХ, АНУ-ын хуулийн байгууллагад хандана

Гэрэл зургийг mpa.mn

МоАХ-ны удирдлагууд Ерөнхийлөгч асан Х.Баттулгын хууль зөрчсөн үйлдлийн талаар мэдээлэл хийлээ.

МоАх-ны тэргүүн Д.Монголхүү "МУ-ын ерөнхийлөгч асан Х.Баттулга маш олон гэмт хэргийн шинжтэй үйл ажиллагаануудад нэр холбогдож байсан хэргүүд маш их байдаг. Эдгээр нэр холбогдсон хэргүүдийн хууль хяналтын байгууллагууд нь шалгадаггүй. Хэрэв гэмтэй бол түүнийг нь тогтоогоод гэмгүй бол энэ хүний нэр төрийг цэвэрлэх шаардлагатай. Монгол улсын хууль иргэнийхээ нэр төрд халдаж, сэвтээдэг байдлыг зогсоох ёстой.

Хэрэв Монголын хууль хяналтын байгууллагууд шалгахгүй бол Европын холбоо, АНУ-ын хүний эрхийн болоод хууль хяналтын байгууллагуудад өгч шалгуулна.

Өнөөдрийн байдлаар АТГ, прокурор, шүүхийн байгууллага, УИХ дахь олонх болон цөөнхийн бүлгүүдэд шаардлага хүргүүлж байна" гэв