Л.Наранбаатар: Намайг хөдөө ажиллаж байгаа учир эхнэр санаа зовсон байж магадгүй

"Хөтөлийн цемент шохой үйлдвэр"-ийн захирлаар эдийн засагч Л.Наранбаатарыг томилоод буй. Харин тэрбээр өнөөдөр цахим хуудаснаа "Өглөө куртикнээсээ байршил, маршрут тогтоогч оллоо. Цүнх, түлхүүр, нохой муур, хүүхэд зэргийг хайж олох зориулалттай эд гэнээ. Болхи тагнуул гэдэг нь тодорхой боллоо" хэмээн бичлэг оруулсан юм.

Тэгвэл энэ талаар түүнээс утсаар тодруулахад "Энэ нээх сүртэй зүйл биш дээ. Ямар мэргэжлийн тагнуулч нь тийм том зүйл хийх вэ дээ. Тиймээс хуулийн байгууллагад хандахгүй. Намайг хөдөө ажиллаж байгаа учир эхнэр санаа зовсон байж магадгүй.

Эхнэртэйгээ холбогдож амжаагүй байна. Санаа зоволтгүй дээ та бүхэн. Баярлалаа" хэмээлээ.