“Монголд биологийн лаборатори байгаа эсэхэд дүгнэлт гаргуулж, ОХУ-ын зохих байгууллагад хүргүүлэх хэрэгтэй“

УИХ дахь Ардчилсан намын бүлэг мэдээлэл хийлээ. Энэ үеэр УИХ дахь АН-ын бүлгийн дарга Д.Ганбат ГХЯ-наас гаргасан мэдэгдэлтэй холбогдуулан дараах байр суурийг илэрхийлэв.

Тэрбээр "ОХУ-аас Монгол Улсад суугаа Элчин сайд И.К.Азизовын болон ГХЯ-наас гаргасан мэдэгдлийн талаар хэлэлцлээ. Украин Оросын дайн эхэлснээс хойш Монголд биологийн лабораторуудыг бий болгосон, ажиллуулж байна гэх мэдээлэлтэй холбогдуулан ГХЯ-наас мэдэгдэл гаргажээ. ГХЯ мэдэгдэл гаргахаас гадна хөндлөнгийн экспертүүдийг яаралтай урих шаардлагатай. Ингэхдээ лаборатори байгаа эсэхэд дүгнэлт гаргуулж, ОХУ-ын зохих байгууллагад хүргүүлэх хэрэгтэй" гэв.