ЗГ: Дарханы замын удааширалтай байгаа хэсэгт ЗХЖШ-ыг хүч нэмэгдүүлэн ажиллуулна

Улаанбаатараас Дархан-Уул чиглэлийн автозамын бүтээн байгуулалтын ажил үргэлжилж буй. Тодруулбал, 2021 оны эцсийн байдлаар гүйцэтгэлийн түвшин багц 1- 95, багц 2- 20, багц 3- 98, багц 4- 8, багц 5-99 хувийн гүйцэтгэлтэй байгаа аж. Иймд бүтээн байгуулалтын удааширалтай байгаа хэсэгт ЗХЖШ-ыг хүч нэмэгдүүлэн ажиллуулах шийдвэрийг Засгийн газрын ээлжит хуралдаанаас гаргажээ. Мөн Ерөнхий сайдын зүгээс Дарханы зам ашиглалтад орох хүртэлх хугацаанд тухайн газарт Ажлын хэсгийг ахалж ажиллах үүргийг ЗТХ-ийн дэд сайд Ж.Бат-Эрдэнэд өгчээ.