Б.Бат-Эрдэнэ: Олон тооны үхсэн зээр булж байсныг хөндлөнгийн хяналт тавьсан төлөөлөл илрүүллээ

Дорнод аймагт үйл ажиллагаа явуулдаг “Петрочайна Дачин Тамсаг” компани олон тооны үхсэнзээрийг шөнийн цагаар нууцаар булж ул мөрөө баллах гэж байсан тухай мэдээлэл гарсан. Улмаар УУХҮЯ, БОАЖЯ-ны хамтарсан шалгалтын ажлын хэсэгт багтсан иргэний нийгмийн байгууллагын төлөөллүүд ажиллаж байгаа юм.

Тэгвэл энэ талаар БОАЖ-ын сайд Б.Бат-Эрдэнэ “Өнгөрсөн өдрүүдэд Дорнод аймагт Байгаль орчин, аялал жуулчлалын яамны ажлын хэсэг ажиллаж байсан бөгөөд ажиллах явцад үхсэн зээр их хэмжээгээр булж байсан үйлдлийг хөндлөнгийн хяналт тавьж ажиллаж байсан төлөөлөл илрүүлж. Газар дээр нь хяналтын ажлын хэсэг ажиллаж байна” гэв.