Б.Жавхлан: ЗГ бие даасан өрийн сахилга баттай менежмент хэрэгжүүлсний дүнд цалин хөлс нэмэх, хүүхдийн мөнгийг хүсэлт гаргасан хүүхэд бүрт олгох боломж цухуйж байна

Өнөөдөр Төсвийн байнгын хороо хуралдаж, Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуулийн төсөл /Засгийн газар 2023.04.28-ны өдөр өргөн мэдүүлсэн, хэлэлцэх эсэх/ асуудлыг хэлэлцлээ. Энэ үеэр УИХ-ын гишүүн Г.Амартүвшингийн зүгээс "Цалин хөлсийг нэмэгдүүлэхдээ инфляцитай хэрхэн уялдуулах вэ. Хүүхдийн мөнгөний нийт дүн хэр хэмжээгээр нэмэгдэх вэ" гэж тодруулахад Сангийн сайд Б.Жавхлан дараах байр суурийг илэрхийлсэн юм.