Б.Ганхуяг: Нүүрсний гэх хэргийг шалгах ажлын хэсэг байнга нүүрс ярьж байна. Тэгсэн мөртлөө надтай болон шалгагдаж буй 11 хүнтэй холбогдох ямар ч хэрэг байхгүй

“Нүүрсний” гэх тодотголтой хэрэгт яллагдагчаар татагдсан УИХ-ын гишүүн асан, ХНХ-ын сайд асан Т.Аюурсайхан, "Эрдэнэс Тавантолгой"-н Гүйцэтгэх захирал асан Б.Ганхуяг нарын 11 хүнд холбогдох хэргийн урьдчилсан хэлэлцүүлэг өнөөдөр 9.00 цагт эхэлсэн ч шүүгдэгчдийн өмгөөлөгч нарын зүгээс гаргасан хүсэлтийн дагуу 13.30 цаг хүртэл хойшлоод байна. "Эрдэнэс Тавантолгой"-н Гүйцэтгэх захирал асан Б.Ганхуягийн хувьд ерөнхий шүүгчээс татгалзах хүсэлт гаргасан бөгөөд тэрбээр дараах байр суурийг илэрхийлсэн юм.