Жой Монголиа Трэйвэл ХХК-ийнхан Ганвон муж , Сөүл, Инчон хотуудыг багтаасан визгүй аяллаа амжилттай зохион байгууллаа

Нийгэм

Bolormaa2023/12/21Унших: 1 мин 38 сек

Жой Монголиа Трэйвэл ХХК 2023 оны арванхоёрдугаар сарын 15-19-нд 4 шөнө, 5 өдрийн Ганвон муж, Сөүл, Инчон хотуудыг багтаасан аяллын хөтөлбөрийг амжилттай хэрэгжүүлээд иржээ. Тус компани нь БНСУ-ын Төрийн өмчит аялал жуулчлалын корпорацтай хамтран ажиллаж ирсэн бөгөөд 2022 онд БНСУ-ын Янян ОУНБ-аар Монголчуудыг визгүй аялуулах тусгай зөвшөөрөлтэй аяллын компанийн нэгээр шалгарсан билээ.

Аяллын хугацаанд тус компаниар үйлчлүүлсэн аялагчид визгүй аяллын журмыг сайтар даган мөрдөж бүрэн бүрэлдэхүүнээрээ эх орондоо хүрэлцэн ирснээр хариуцлагатай аяллын үлгэр жишээ болж чадсан байна.

Тэд олон улсын Янгжи эмнэлгийн эрүүл мэндийн шинжилгээний төвтэй хамтарч, хөнгөлөлттэй үнээр зөвхөн Монголчууддаа зориулан бүтэн биеийн багц шинжилгээ, генетикийн шинжилгээг хийлгэх боломжийг олгожээ.

Аяллын талаар Жой Монголиа Трэйвэл ХХК-ын гүйцэтгэх захирал Б.Ариунжаргал, “Цаашид бид энэхүү амжилтаа батлан Янян визгүй аяллыг зарлаж, илүү хүртээмжтэй, үр дүнтэй аяллыг зохион байгуулахаар зорин ажиллах болно. Энэ удаагийн Янян визгүй аяллын тусгай зөвшөөрөлтэй Монгол 4 компанийн жуулчдыг хүлээн авч гүйцэтгэсэн Ганвон мужийн итгэмжлэгдсэн EHOO LTS аяллын компанийн гүйцэтгэх захирал Пак Хён Гён болон ажлын хамт олон, аяллын хөтөч нарт чин сэтгэлийн талархал илэрхийлье” хэмээн онцолсон байна.