О.Алтангэрэл: Шонхор шувуутай холбоотой гаднын иргэдийн хууль бус байж болзошгүй үйлдэлд яаралтай арга хэмжээ авч байна

Өвөрхангай аймагт Араб иргэд хэд хэдэн отог үүсгэн шонхор шувуу барьж улмаар тагтаа шувууны сүүл болон далавчийг тайран олноор нь үхүүлсэн байна гэх мэдээлэл цахим орчинд тархаж буй. Тэгвэл үүнтэй холбоотойгоор ХЗДХ-ийн сайд О.Алтангэрэл өөрийн цахим хуудсаараа дамжуулан дараах мэдээллийг өгчээ. Тодруулбал,

"Өвөрхангай аймагт үүсээд байгаа нөхцөл байдал, шонхор шувуутай холбоотойгоор хийж буй гадны иргэдийн хууль бус байж болзошгүй үйлдлийн талаар яаралтай арга хэмжээ авахыг холбогдох байгууллагад үүрэг болгосны дагуу зохих арга хэмжээ авч байгаа.

Үр дүнгийн талаар цагдаагийн байгууллага иргэдэд ойрын хугацаанд мэдээлэл өгөх болно" гэжээ.