УИХ-ын гишүүн Ж.Баярмаа сэтгүүлч Н.Өнөрцэцэгийн давж заалдах шүүх хуралдааны процесстой танилцахаар дотогш нэвтэрлээ

Сэтгүүлч Н.Өнөрцэцэгт холбогдох хэргийн давж заалдах шатны шүүх хурал өнөө өглөө 10.00 цагт эхэлсэн. Шүүхийн гадаа түүний ар гэрийнхэн, хэвлэл мэдээллийн байгууллагын төлөөллүүд, зарим УИХ-ын гишүүд ирж байр сууриа илэрхийлсээр байгаа.

Тэгвэл дөнгөж сая УИХ-ын гишүүн Ж.Баярмаа өөрийн бүрэн эрхийнхээ хүрээнд хүсэлт гаргаснаар шүүх хурал болж буй байр руу нэвтрэн орлоо. Тэрбээр шүүх хурлын процессийн талаар мэдээлэл авахаар ийнхүү орж байгаа юм.