“Томуугийн вирус чих, хамрын үрэвсэл үүсгэсэн үед хүүхэд уйлагнаж цочимтгой болж эцэг эхчүүд эмнэлэгт хандаж байна“

Томуу, томуу төст өвчний дэгдэлттэй холбоотой цаг үеийн асуудлаар ХӨСҮТ болон ЭХЭМҮТ-өөс мэдээлэл хийсэн. Энэ үеэр томуугийн вирус нь хүүхдийн чих, хамрын үрэвсэл үүсгэсэн үед уйлагнаж, цочимтгой болдог тул эцэг эхчүүд эмнэлэгт ханддаг болохыг ЭХЭМҮТ-өөс мэдээллээ. Иймд эцэг эхчүүдийг хүүхдэдээ бүлээн шингэн зүйл сайн уулгаж, эмчийн зөвлөгөөг маш анхааралтай сонсож дагах ёстой болохыг Хүүхдийн эрчимт эмчилгээний тасгийн эрхлэгч Р.Батсолонго хэллээ.