Д.Дариймаа: Ногооныхоо үнийг МОНГОЛ БИЧГЭЭР бичсэнээс хойш худалдан авалт сайжирсан. Монгол бичгээ мэдэхгүй ӨВӨР МОНГОЛ бичиг байна гэж гайхах залуучуудыг харахаар ЭМЗЭГЛЭДЭГ

Ногооныхоо үнийг босоо монгол бичгээр бичсэн худалдагч Д.Дариймааг UBN сайт онцолж байна.

2 жилийн өмнө дүүгээрээ бичүүлсэн энэ бичиг Д.Дариймаагийн лангууны нэрийн хуудас болж, худалдан авагчаа татах нууц "зэвсэг", бахархал бүхий гангараа нь болжээ. "Ямар гоё юм бэ. Мундаг юм аа" гэж магтах хүмүүс олон байдгаас гадна "Монгол бичигтэй лангуунаас ногоогоо авья. Монгол бичгээр бичсэн газраас аваарай" гэсэн гээд зорьж орж ирэх хүмүүс ч цөөнгүй байдаг гэдгийг лангууны эзэд онцолж байлаа.

Мөн тэд тус лангууны байнгын худалдан авагчид нь Монгол бичиг мэдэхгүй ч хүнсний ногооныхоо нэрийг МОНГОЛ БИЧГЭЭР бичиж, уншиж сурсан" гэдгийг онцлов.