Газ дэлбэрэлтийн хэрэгт яллагдагчаар татагдсан “Дашваанжил“-ын жолооч Ч.Рэнцэндорж, захирал Н.Баатаржав нарын хэргийг шүүхэд шилжүүллээ

Өнгөрсөн 2024 оны нэгдүгээр сарын 23-24-нд шилжих шөнө БЗД-ийн 26 дугаар хороо, Дүнжингаравын уулзварт газ тээвэрлэж явсан ачааны автомашин суудлын автомашинтай мөргөлдсөний улмаар дэлбэрэлт болж, олон хүн эд хөрөнгө, амь нас, эрүүл мэндээрээ хохирсон.

Тус хэрэгт "Дашваанжил" ХХК-ийн гүйцэтгэх захирал Н.Баатаржав, жолооч Ч.Рэнцэндорж нарыг буруутган яллагдагчаар татсан байдаг. Тэгвэл дээрх хоёр хүнд холбогдох хэргийг шүүхэд шилжүүлжээ. Тодруулбал,

Эрүүгийн хуулийн 10.6 дугаар зүйлийн 2 /Хүний амь насыг болгоомжгүйгээр хохироох/, 11.3 дугаар зүйлийн 2 /Хүний эрүүл мэндэд хүнд хохирол болгоомжгүйгээр учруулах/, 11.5 дугаар зүйлийн 1 /Хүний эрүүл мэндэд хүндэвтэр хохирол болгоомжгүйгээр учруулах/-т заасанчлан, тав хүртэл жилийн хорих ялтай зүйл ангиар яллаж, хэргийг шүүхэд шилжүүлсэн байна.