Үхрийн мах килограмм нь 21876 төгрөг болж 1.1 хувиар өсөв

Үндэсний статистикийн хороо долоо хоног бүр гол нэрийн өргөн хэрэглээний бараа бүтээгдэхүүний үнийг танилцуулдаг. Статистик мэдээллээр, нэгдүгээр сарын 27-ны өдрийн байдлаар гол нэрийн зарим барааны үнэ өмнөх сараас 3.5 хувь, өмнөх долоо хоногоос 0.3 хувиар тус тус өссөн байна. Тодруулбал, мах, гурилын үнэ 0.3-1.2 хувь хүртэл өссөн байна. Зах худалдааны төвүүдэд хонины мах килограмм нь 15642 төгрөг байсан бол 15836 төгрөг болж нэмэгдсэн бол үхрийн ястай мах килограмм нь 19.008 төгрөг байсан бол 19.220 төгрөг болж тус тус нэмэгджээ. Мөн үхрийн цул мах килограмм нь 21876 төгрөг болсныг Нийслэлийн статистикийн газар мэдээлжээ. Энэ нь өмнөх долоо хоногоос 1.1 хувиар өссөн дүн юм.