“MONGOLIA–KOREA URBAN FORUM-2025” зохион байгуулагдаж байна

Бүсчилсэн хөгжлийн үндэсний хүрээлэн, KIOCA Олон улсын хамтын ажиллагааны байгууллага болон Сөүлийн Үндэсний их сургууль хамтран “Тогтвортой хөгжил – Шинэ хотуудын чиглэл” сэдвийн хүрээнд Монгол-Солонгосын Хотын II форумыг зохион байгуулж байна.

Тус форумын хүрээнд Монгол Улсад хэрэгжиж буй Хархорум, Хүннү хотууд болон Нийслэлийн 14 дагуул хотын бодлого, хэрэгжилт, тулгамдсан асуудлыг хэлэлцэж, БНСУ-ын хот төлөвлөлт, тогтвортой хөгжлийн бодит туршлагаас суралцан санал солилцох юм. Арга хэмжээнд Монгол, Солонгосын хот байгуулалт, хөгжлийн салбарын эрдэмтэн, мэргэжилтнүүд оролцож байна.