УДИРДАХ ЗӨВЛӨЛ: Г.Занданшатарыг Ерөнхий сайдаас чөлөөлөхийг дэмжлээ

УИХ-ын даргаас өгсөн чиглэлийн дагуу өчигдөр /03.26/ 14.00 цагаас МАН-ын бүлэг хуралдсан. Тодруулбал, АН-ын бүлгээс тавьсан шаардлагын дагуу Н.Учралыг УИХ-ын даргаас чөлөөлж, Ерөнхий сайдаар томилуулах уу зэрэг асуудлаар бүлэг дотроо гишүүд асуулт асууж, хариулт авсан.

Бүлгийн хуралд УИХ-ын дарга Н.Учрал, Ерөнхий сайд Г.Занданшатар нараас гадна нийт 52 гишүүн оролцсон бөгөөд 100 хувийн саналаар Удирдах зөвлөлийг хуралдуулж, эдгээр асуудлыг эцэслэж, бүлэгт чиглэл өгөхөөр тогтсон юм. Тэгвэл өнөөдөр 14.30 цагаас хуралдаж эхэлсэн Удирдах зөвлөлд Ерөнхий сайд Г.Занданшатар өөрийн хүсэлтээр чөлөөлөгдөх өргөдлөө өгснийг хэлэлцэж, дийлэнхийн саналаар түүнийг чөлөөлөх нь зүйтэй гэж үзлээ.