ХҮН нам: Н.Учралын Засгийн газарт хамтарч ажиллахаар боллоо

Монгол Улсын 35 дахь Ерөнхий сайд Н.Учрал Засгийн газрын бүрэлдэхүүнээ ойрын өдрүүдэд тодруулж Ерөнхийлөгчтэй зөвшилцөн, УИХ-д оруулж ирэх учиртай. Тэрбээр өчигдөр буюу мягмар гарагт ХҮН намд "Засгийн газарт хамтрах" саналаа хүргүүлсэн тухай бид мэдээлсэн. Тэгвэл өнөөдөр ХҮН намын Төлөөлөх зөвлөл хуралдаж, эл саналыг хэлэлцлээ. Тодруулбал, Төлөөлөх зөвлөлийн гишүүдийн 95 хувийн саналаар Н.Учралын Засгийн газарт хамтарч ажиллах шийдвэрийг гаргажээ.

ХҮН намын хувьд Л.Оюун-Эрдэнэ болон Г.Занданшатарын ЗГ-т хамтарч ажилласан бөгөөд ХҮН намын дарга Т.Доржханд Шадар сайдаар, П.Наранбаяр Боловсролын сайдаар ажилласан билээ.