УИХ-ын гишүүн Л.Оюун-Эрдэнэ, У.Отгонбаяр нар маргалдаж, Л.Оюун-Эрдэнэ Халдашгүй байдлын дэд хороонд гомдол гаргажээ

Цахим орчинд болон зарим хэвлэл мэдээллийн хэрэгслээр Ерөнхийлөгчийн өргөн мэдүүлсэн "УИХ-ын гишүүнийг эгүүлэн татах" хуультай холбоотойгоор УИХ-ын гишүүн Л.Оюун-Эрдэнэ, У.Отгонбаяр нар маргалдаж, нэгнийхээ бие халдсан тухай мэдээлэл цацагдсан. Тодруулбал, мягмар гарагт ТББХ-ны хуралдааны дараа УИХ-ын гишүүн У.Отгонбаяр Л.Оюун-Эрдэнийн өрөөнд орж маргаан үүсгэн нүүр рүү нь архи цацаж, барилцаж авсан гэх мэдээлэл гарсан юм.

Тэгвэл УИХ-ын гишүүн У.Отгонбаяр хэвлэлд өгсөн ярилцлагадаа "Л.Оюун-Эрдэнэ Халдашгүй байдлын дэд хороонд надтай холбоотой гомдол гаргасан" гэж тайлбарлажээ. Тэрбээр өөр дэлгэрэнгүй мэдээлэл өгөөгүй байна.