ЧУУЛГАН: Ерөнхийлөгчийн “УИХ-ын гишүүнийг эгүүлэн татах“ хуулийн санал хураалтаас АН-ын бүлэг 1 хоногийн завсарлага авлаа

УИХ-ын чуулганы өнөөдрийн хуралдаан эхэллээ. Хуралдааны эхэнд Ерөнхийлөгчөөс өргөн мэдүүлсэн "УИХ-ын гишүүнийг эгүүлэн татах" хуулийг УИХ-аар хэлэлцэхийг дэмжих эсэх санал хураалтыг явуулахаар байв.

Тэгвэл УИХ-ын гишүүн, АН-ын бүлгийн дэд дарга Х.Тэмүүжин хүсэлт гаргасан тул УИХ-ын дарга С.Бямбацогт ажлын нэг хоногийн завсарлага өглөө. Улмаар дээрх санал хураалтыг ирэх долоо хоногийн пүрэв гарагийн чуулганы хуралдаан хүртэл хойшлуулж байна.

Учир нь өнөөдөр АН-ын Үндэсний бодлогын хорооны хурал үргэлжлэх тул АН-ын бүлгийн гишүүдийн ирц хангалтгүй байгаа юм. Мөн тус бүлэг дээрх хуулийн төсөлтэй сайтар танилцаж, бүлэг дотроо хэлэлцэх шаардлагатай гэж үзэв.