А.Баяр: Амин хайртай хүүхдэдээ амь эрсдэх унаа битгий унуулаарай

“Сурронгүй сургууль” өдөрлөгийн үеэр НИТХ-ын дарга бөгөөд Нийслэлийн гэмт хэргээс урьдчилан сэргийлэх салбар зөвлөлийн дарга А.Баяр эцэг, эхчүүдэд хандан суррон, скүүтер, мопедын төрлийн тээврийн хэрэгслийг хүүхдэдээ унуулахгүй байхад анхаарч, хяналт тавихыг санууллаа.

Тэрбээр хэлсэн үгэндээ “Бид ч хүүхэд байж үзсэн. Шинэ технологи, содон бүгдийг хэрэглэж үзэх хүсэл хүүхэд бүрд бий. Хүүхдүүдээ суррон, скүүтер уналаа гэж буруутгахаасаа илүү болох, болохгүйг, хор уршгийг ойлгуулах нь эцэг эхчүүд та бүхний үүрэг. Хайр бол хамгаалалт” гэв.