Онцгой байдал, татварын дарга нарт иргэндээ очиж үйлчлэх үүрэг өглөө

Ерөнхий сайд Н.Учрал Онцгой байдлын Ерөнхий газрын дарга Г.Ариунбуян, Татварын Ерөнхий газрын дарга Б.Цогтнаран нартай уулзаж, тодорхой үүрэг чиглэл өглөө. Ерөнхий сайд хэлэхдээ "Мэдэгдсэн л бол бизнесээ шууд эхэлсэн иргэндээ очиж үйлчлэн, галын дүгнэлт гаргахдаа дахин бичиг баримт нэхэх ёсгүй.

Цахим системд нэгэнт байгаа улсын бүртгэл, газар, кадастр, комиссын дүгнэлт гэх мэтийг цаасаар шаардахгүй.

Барилга нь галын дүгнэлттэй байхад доторх түрээслэгчээс давхар нэхэхгүй.

Шадар сайдын 2023 оны шийдвэрийг эргэж харна, галын дүгнэлтийг цэгцэлж цахим болго.

Татварын байгууллага бизнес эрхлэгчийг дарамталж дээрэлхэх биш зөвлөж тусал.

Татварын өртэй байсан ч зөвшөөрөл олгоно, сунгана.

Төрийн бүх шатныхан зөвшөөрлөөс чөлөөлөгдсөн 146 бизнест очиж үйлчил" гэлээ.