Б.Жаргалан: Д.Энхтүвшин гишүүн ээ, та ийм хоёр нүүрээр асуудалд хандаж болохгүй

Эдийн засгийн байнгын хороо хуралдаж байна. Хуралдаанаар Худалдаа, аж үйлдвэрийн танхимын тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Д.Энхтүвшин нарын 2 гишүүн 2025.12.17-ны өдөр өргөн мэдүүлсэн, хэлэлцэх эсэх/ асуудлыг хэлэлцэж байна. Энэ үеэр УИХ-ын гишүүн Б.Жаргалан "Д.Энхтүвшин гишүүн ээ, та МҮХАҮТ-ын Ерөнхийлөгчийн албан тушаалаа эрх баригч намын жагсаалтад тавьж туугаад, одоо энд гишүүн болоод сууж байгаа шүү дээ. Ийм хоёр нүүртэй байж болохгүй" гэв.