ҮБХ-ны гишүүдийн 66 хувийн саналаар АН-ын ЕНБД-аар С.Баярцогтыг сонголоо

Ардчилсан намын ЕНБД-аар С.Баярцогт сонгогдлоо. Тодруулбал, АН-ын Үндэсний бодлогын хорооны 69 дүгээр хуралдаан Төрийн ордонд өнөөдөр 11:00 цагт эхэлсэн. Өнөөдрийн хуралдаанаар Ардчилсан намын таван дэд дарга болон ЕНБД-ын томилгоог хэлэлцлээ. Ингэхдээ намын дарга О.Цогтгэрэлийн зүгээс ЕНБД-ын үүрэг гүйцэтгэгчээр ажиллаж буй С.Баярцогтын нэрийг батламжлуулахаар оруулж ирсэн юм.

Улмаар нэр дэвшигчээс ҮБХ-ны гишүүд асуулт асууж, хариулт авсны дараагаар санал хураалт үргэлжилсэн юм. Санал хураалтын дүнгээр ҮБХ-ны нийт гишүүдийн 66 хувийн саналаар С.Баярцогтыг Ардчилсан намын ЕНБД-аар ийнхүү жинхэллээ. Тодруулбал, түүнийг гишүүдийн 224 дэмжсэн бол 113 дэмжсэнгүй.