Ж.Алдаржавхлан: Английн Фүлхэм клубт нэг сая ам.доллар, CNN-д нэг сая орчим ам.долларын өртэй

Өнгөрөгч оны 11 дүгээр сард ССАЖ-ын сайдаар ажиллаж байсан Ч.Ундрамын зүгээс "Английн хөлбөмбөгийн Fulham баг Монголын Засгийн газрыг арбитрын шүүхэд өгсөн. Гэрээний биелэлтийг шалгаж байна" гэх мэдээллийг олон нийтэд мэдээлсэн билээ. Ингэхдээ Ч.Номин сайдын үед тухайн багтай гэрээ байгуулсан гэх мэдээллийг өгсөн байдаг. Тэгвэл тус асуудлын талаар одоогийн ССАЖ-ын сайд Ж.Алдаржавхлангаас тодруулахад "Английн Фүлхэм клубт нэг сая ам.доллар, CNN-д нэг сая орчим ам.долларын өртэй. Өрөө төлөхгүй бол Арбитрын шүүхэд өгнө гэж байнга ярьж байгаа. Өмнөх сайдын ажлыг үгүйсгэмээргүй байгаа ч ганц нэг эргэлзээтэй зүйл байна" гэв.