Ч.Лодойсамбуу: 2021 оны наадмыг тэмдэглээгүй нь Л.Оюун-Эрдэнийн ЗГ-ын монголын түүхэнд хийсэн асар том гэм нүгэл

УИХ-ын Төрийн байгуулалтын байнгын хорооны хуралдаанаар УИХ-ын гишүүн П.Сайнзориг нарын өргөн барьсан Үндэсний их баяр наадмын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцэж, гишүүд асуулт асууж хариулт авлаа.

Энэ үеэр УИХ-ын гишүүн Ч.Лодойсамбуу "2021 оны наадмыг тэмдэглээгүй нь Л.Оюун-Эрдэнийн ЗГ-ын монголын түүхэнд хийсэн асар том гэм нүгэл. Залуучуудын холбоо ТББ-с зохион байгуулсан барилдааныг "наадам" гэж хүлээн зөвшөөрөөд Б.Бат-Өлзийд цол нөхөж олговол Б.Орхонбаяр, Ц.Бямба-Отгон, Э.Батмагнай гээд залуу арслангууд хүлээн зөвшөөрөх үү" гэв.