Ерөнхий сайдын дэргэдэх Эдийн засгийн зөвлөлийн өргөтгөсөн хурал Гадаад харилцааны яамны "Зөвшилцөл" танхимд өнөөдөр /2026.06.29/ боллоо. Хуралдаанд 100 гаруй гадаадын хөрөнгө оруулагч оролцсон юм.
Энэ үеэр Монгол Улсын Шадар сайд Т.Доржханд Засгийн газрын "Ногоон чөлөөлөлт"-ийн бодлогын талаар танилцуулав. Тэрбээр, "Дата төв байгуулахад Монгол Улс цаг уурын хувьд тохиромжтой. Сэрүүн цаг агаартай учраас дата төвийн хөргүүрийн зардал бусад улсаас 40% хямд байна.
Ногоон эрчим хүчний тоног төхөөрөмжид 100 хувийн гаалийн татварын хөнгөлөлт үзүүлнэ. Үүнд нарны хавтан, салхин турбин, эрчим хүч хуримтлуулах батарей болон дата төвийн тоног төхөөрөмж багтана" хэмээлээ.
