Долоо хоног бүрийн Даваа гарагт УИХ-д суудалтай намын бүлгүүд хуралддаг. Тэгвэл өнөөдөр УИХ дахь АН болон МАН-ын бүлэг 10.00 цагаас хуралдах товтой байна. Мөн УИХ дахь ХҮН намын зөвлөл хуралдана.

Хуралдаанаар энэ долоо хоногт чуулганы хуралдаанаар хэлэлцүүлэг нь үргэлжлэх Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд болон бусад хуулийн төслийг хэлэлцэх аж.

Түүнчлэн ХҮН намын зөвлөлөөс өнөөдөр УИХ-ын гишүүн Х.Баттулгатай холбоотой ноцтой баримтыг дэлгэнэ гэдгээ мэдэгдээд буй билээ.