Д.Жаргалсайхан Ерөнхийлөгчид нэр дэвших ХҮН-ын саналаас татгалзлаа

"Дефакто" нэвтрүүлгийн хөтлөгч эдийн засагч Д.Жаргалсайханд ХҮНамаас ерөнхийлөгчид нэр дэвших санал тавьсан бөгөөд тэрээр үүнээс татгалзсан гэдгээ мэдэгдлээ. Мэдэгдэлд: 

"2021 оны ерөнхийлөгчийн сонгуульд нэр дэвших тухайд: УИХ-д суудалтай Хөдөлмөрийн үндэсний намын төлөөлөл ерөнхийлөгчийн сонгуульд намайг нэр дэвших санал тавьсанд талархаж байна. Миний хийж буй нийгмийн ажлуудыг дэмжиж, үзэл бодлоороо хамтарч, дэвшихийг уриалж, итгэл үзүүлсэн бүх хүмүүс түүний дотор гадаадад суугаа олон монгол хүний төлөөлөл холбогдож урам зориг өгсөнд талархаж байна" гээд тэрээр өөрийн хийж буй нийгмийн сайн сайхны төлөөх ажил хэргээ үргэлжлүүлнэ гэв.