Монгол хэл бичгийн шалгалтын босго оноо даваагүй 5 мянга гаруй шалгуулагч өнөөдөр давтан шалгалт өгнө

Энэ онд улсын хэмжээнд ЭЕШ өгөхөөр нийт 36,253 иргэн бүртгүүлсэн. ЭЕШ өгөх шалгуулагчид “Монгол хэл бичгийн шалгалт”-д заавал хамрагдах журамтай. Гэвч энэ жилийн тухайд Монгол хэл бичгийн шалгалтын босго оноо даваагүй 5 мянга гаруй шалгуулагч байгаа талаар БШУЯ-наас мэдээлсэн.

Монгол хэл, бичгийн шалгалтыг хоёр удаа авч байгаа билээ. Тэгвэл эхний шалгалтад хамрагдаж чадаагүй болон босго оноонд хүрээгүй шалгуулагчдын давтан шалгалтыг өнөөдөр 10:00 цагт зохион байгуулах юм.