Х.Нямбаатар: Хамгийн их агаарын бохирдолтой 3 бүсэд байгаа их сургууль, төрийн байгууллагыг дэд төв рүү нүүлгэнэ

Өнөөдөр Хотын дарга Х.Нямбаатар Улаанбаатар хотын авто замын хөдөлгөөний түгжрэлийг бууруулах, гэр хорооллыг орон сууцжуулах тухай анхдагч хуулийн талаар мэдээлэл өглөө.

Тэрбээр "Улаанбаатар хотод хамгийн их агаарын бохирдолтой 3 бүс байна. Шинжээчдийн судалснаар Баянхошуу, их тойруу, 7 буудал орчмоор хамгийн аюултай агаарын бохирдол байгааг тогтоосон. Тиймээс ирэх жил дээрх 3 бүсэд байгаа их сургууль, төрийн байгууллагуудыг дэд төв рүү нүүлгэн шилжүүлэх ажил хэлэлцээрийн шатандаа явж байна" гэв.