Дэлгүүр орохдоо алга болсон 14 настай хүүг олжээ

Цагдаагийн албан хаагчид дэлгүүр орохоор алга болсон гэх 14 настай хүүг эсэн мэнд олж ар гэрт хүлээлгэн өгчээ. Хүүгийн ар гэрээс " 14 настай эрэгтэй хүүхэд дөрөвдүгээр сарын 5-ны өдрийн 17:00 цагийн үед дэлгүүр орохоор гараад одоо хүртэл ирээгүй байна" гэх дуудлага мэдээлэл бүртгэгдсэн байна. Энэ дагуу эрэн сурвалжлах ажиллагааг явуулж өнөөдөр Сүхбаатар дүүргийн нутаг дэвсгэрээс хүүг олсон нь энэ юм байна.