Ц.Туваан: ОХУ экспортын хоригт орсон байсан ч Монгол Улсад нийлүүлэх түлш, шатахууныг тасалдуулахгүй гэдгээ илэрхийлсэн

Аж үйлдвэр, Эрдэс баялгийн сайд Ц.Туваан өвөлжилтийн бэлтгэл ажлыг хангах ажлын хүрээнд түлш, шатахууны нөөц, хүрэлцээ хангамжийн талаар мэдээлэл өглөө.

Тодруулбал, тэрбээр "ОХУ-ын Ерөнхийлөгч В.В.Путины айлчлалын хүрээнд ОХУ-ын Эрчим хүчний сайдтай газрын тосны бүтээгдэхүүн нийлүүлэх хэлэлцээ хийсэн. ОХУ-ын зүгээс тус улсад гадаадын хүчин зүйлийн нөлөөлөөгөөр ямар нэгэн байдлаар экспортын хориг тавьсан үед Монгол улсад хамааралгүйгээр түлш, шатахууны нийлүүлэлтийг хэвийн хэмжээнд хангана гэдгээ илэрхийлсэн.

Өнөөдрийн байдлаар АИ-92 шатахууны нөөц 28 хоног, дизель түлш 45-аас дээш хоногийн нөөцтэй байгаа" гэв.