НИТХ: 2024 оны төсөвт Засаг даргад 3 их наяд, ИТХ-ын даргад 29 тэрбумыг төсөвлөжээ
НИТХ хуралдаж байна. Хуралдааны эхэнд “Нийслэлийн 2024 оны төсөвт нэмэлт, өөрчлөлт оруулах тухай” болон “Нийслэлийн 2025 оны төсөв батлах тухай” тогтоолын төслийг Нийслэлийн ИТХ-ын дарга А.Баяр уншиж танилцуулав. Тэрбээр:
-2024 оны төсвийн нийт орлого 1 их наяд 183 тэрбум 978 сая байхаар баталжээ. Татварын орлого 931 тэрбум 619 сая, татварын бус орлого 232 тэрбум 307 сая, орон нутгийн хөгжлийн сангийн орлогын шилжүүлэг 20 тэрбум 51 сая төгрөг. 2024 оны төсвийн ерөнхийлөн захирагч түүний харьяа байгууллага бусад байгууллагуудын төвлөрүүлэх орлогын хэмжээ:
НЗД: 1 их наяд 211 тэрбум 427 сая.
Харьяа газар агентлагуудын төсөвт төвлөрүүлэх орлогын хэмжээ 1 их наяд 125 тэрбум 816 сая
Харьяа төсөвт байгууллагын өөрийн орлого 39 тэрбум 10 сая, бусад орлого 46 тэрбум 600 сая
Нийслэлийн 2024 оны төсвийн жилд зарцуулах зарлагын нийт хэмжээ 3 их наяд 369 тэрбум 934 сая төгрөгөөр баталж, төсвийн ерөнхийлөн захирагч нарт дор дурдсан төсөв зарцуулах эрхийг олгожээ.
Тухайлбал,
ИТХ-ын дарга 29 тэрбум, 36 сая
Засаг дарга 3 их наяд, 340 тэрбум, 897 сая
Урсгал зардлын дээд хэмжээ 1 их наяд 62 тэрбум 835 сая
Хөрөнгийн зардлын дээд хэмжээ 2 их наяд 278 тэрбум 61 сая
Нийслэлийн 2024 оны төсвийн жилд нийслэлийн төсвөөр хэрэгжүүлэх хотын шууд хөрөнгө оруулалтын төсөл арга хэмжээний зардлын хэмжээг 1 их наяд 564 тэрбум 766 сая
Замын сангийн хөрөнгөөр хэрэгжүүлэх хөрөнгө оруулалтын төсөл арга хэмжээний зардал 77 тэрбум 860 сая
Нийслэлийн үнэт цаасны хөрөнгөөр хэрэгжүүлэх хөрөнгө оруулалтын төсөл арга хэмжээг 450 тэрбум
Нийтийн тээврийг хөгжүүлэх сангийн хөрөнгөөр хэрэгжүүлэх хөрөнгө оруулалтын төсөл арга хэмжээг 28 тэрбум 344 сая
2023-2024 онд он дамжин санхүүжих хөрөнгө оруулалтын төсөл арга хэмжээний зардлын хэмжээг 133 тэрбум 260 саяар тус, тус баталжээ.
Уг тогтоолын төслийг НИТХ-ын гишүүдийн олонхи буюу 70.6 хувь нь дэмжиж уг тогтоолын төсөл батлагдав.
