О.Алтангэрэл: Төрийн албан хаагчдыг хууль бусаар халж, төрд хохирол учруулсан бол тухайн хууль бус шийдвэр гаргасан албан тушаалтнаар хохирлыг төлүүлнэ

ЗГ-ын ээлжит хуралдаан өнөөдөр боллоо. Хуралдаанаар гаргасан шийдвэрийг ХЗДХ-ийн сайд О.Алтангэрэл танилцуулав. Тэрбээр "Төрийн албан хаагчдыг хууль бусаар халах тохиолдол их байдаг. Улмаар тухайн албан хаагч нь шүүхдэлцэж, төр ажилгүй байсан хугацааны цалинг нөхөн төлдөг. Тиймээс хууль бус шийдвэр гаргаж, төрд хохирол учруулсан бол тухайн хууль бус шийдвэр гаргасан албан тушаалтнаар хохирлыг төлүүлэх журмыг өнөөдрийн ЗГ-ын хуралдаанаар хэлэлцлээ" хэмээлээ.