П.Сайнзориг СЗХ-ны орон тооны гишүүнд дэмжигдээгүй Л.Сонорыг Монгол Улсыг ФАТФ-ын хар саарал жагсаалтаас гарах ажлыг гардаж хийсэн хэмээн ОНЦОЛЛОО

Чуулганы нэгдсэн хуралдаанаар СЗХ-ны даргад нэр дэвшигч болон Хяналтын зөвлөлийн дарга, гишүүнд нэр дэвшигчдийн асуудлыг хэлэлцэж байна. Үүний өмнө СЗХ-ны орон тооны бус 3 гишүүнийг томилох байснаас нууц санал хураалтаар Б.Саруулыг 61.1 хувийн саналаар, Ш.Хандсүрэн 61.1 хувийн нарыг дэмжсэн ч Л.Сонорыг гишүүдийн 58.9 хувь нь дэмжсэнгүй.

Л.Сонор нь УИХ-ын гишүүн, Шадар сайд Т.Доржхандын ахын хүү аж.

Тэгвэл уг асуудалд УИХ-ын гишүүн П.Сайнзориг "Л.Сонор нь Монгол Улсын өр, бондуудыг хямд эх үүсвэрээр солих, бондыг цэгцлэх, Монгол Улсыг ФАТФ-ын хар саарал жагсаалтаас гарах ажлыг гардаж хийсэн

Улсынхаа төлөө явж буй залуусыг ийм зүйлээр мухарлаж гаргаж байна" хэмээлээ.