Л.Энх-Амгалан: 31800 малчин 76 тэрбум төгрөгийг НДШ-д төлөөд буцаад 314 тэрбум төгрөгийг бусдын төвлөрүүлсэн шимтгэлээс авч байгаа нь шударга зүйл үү

Аюулгүй байдал, гадаад бодлогын байнгын хороо хуралдаж, Монгол Улсын Засгийн газар, Бүгд Найрамдах Казахстан Улсын Засгийн газар хоорондын тэтгэврийн асуудлаар хамтран ажиллах тухай хэлэлцээрийг соёрхон батлах тухай хуулийн төсөл /Засгийн газар 2025.05.09-ний өдөр өргөн мэдүүлсэн, соёрхон батлах/ асуудлыг хэлэлцэж байна. Энэ үеэр Гэр бүл, хөдөлмөр, нийгмийн хамгааллын сайд Л.Энх-Амгалан "2020-2022 онд 31800 малчин 76 тэрбум төгрөгийг НДШ-д төлөөд буцаад 314 тэрбум төгрөгийг бусдын төвлөрүүлсэн шимтгэлээс авч байна. Бусдын төвлөрүүлсэн нийгмийн даатгалын сангаас тэтгэвэр авч байгаа нь шударга зүйл үү" гэв.